Në një intervistë për “ Corriere della Sera” ai ka është shprehur se tamponimi masiv i popullatës për Covid-19 si dhe bllokimi nuk janë zgjidhje për tejkalimin e situatës, teksa theksoi që koronavirusi nuk është murtajë.
“Ka shumë alarm. Nuk ka dyshim se po përballemi me një valë të dytë të pandemisë, por qarkullimi i virusit nuk është ndalur asnjëherë, edhe nëse në korrik rastet dukej se ishin zhdukur, falë temperaturave të larta, ajrit të hapur, rrezeve ultraviolet që vrasin virusin. Pastaj ishte kthimi nga pushimet, rihapja e shumë aktiviteteve dhe mbi të gjitha kthimi në shkollë ”- tha profesori italian.
Virologu gjatë intervistës theksoi se pjesa më e madhe e të infektuarve janë asiptomatikë.
“ Së pari, nga këto, 95 përqind nuk kanë simptoma dhe për këtë arsye nuk mund të përkufizohen si të sëmurë. Së dyti, është e sigurt që këta njerëz janë ‘infektuar’, domethënë kanë rënë në kontakt me virusin, por nuk është e sigurt nëse ata janë ‘ngjitës’, domethënë se mund të transmetojnë virusin te të tjerët. Ata mund të infektojnë të tjerët nëse kanë një ngarkesë të lartë virale”, – thotë profesori i njohur.
Virologu shpjegon se tamponimi duhet të bëhet vetëm në raste kur ka një numër të madh të infektuarish në mjedise pune, ndërsa sqaron se e vetmja shifër e rëndësishme është ajo e personave që gjenden në terapi intensive.
“Ajo që ka vërtet rëndësi është të dimë se sa njerëz mbërrijnë në terapi intensive. Është ky numër tregon dimensionin real të situatës. Në çdo rast, ky virus ka një vdekshmëri relativisht të ulët, mund të vrasë, por nuk është murtajë”.
Palù është kundër masave bllokuese, për të frenuar pandeminë dhe u bën thirrje të gjithëve ti japin fund histerisë.
“Unë jam kundër si qytetar sepse do të ishte vetëvrasje për ekonominë, si shkencëtar sepse do të penalizonte edukimin e të rinjve, të cilët janë e ardhmja jonë, dhe si mjek sepse do të nënkuptojë se njerëzit e sëmurë, që vuajnë nga sëmundje të tjera, veçanërisht nga tumoret, nuk do të kishin mundësi trajtimi”,- tha virologu/ Opinion.al
