Pas lajmit të arrestimit nga policia italiane të Valentin Selajt dhe bandës së drejtuar prej tij për trafik ndërkombëtar të lëndëve narkotike, mediat italiane kanë shkruar edhe për të dashurën bukuroshe të kapobandës, që është pikërisht modelja Viola Spiro.
Një prej gazetave lokale, cituar nga JOQ, shkruan se e dashura e trafikantit është një top modele, mbulimi perfekt sipas tyre, ndonëse thekson se bukuroshja nuk ka asnjë lidhje me ngjarjen dhe asnjë faj. përveç të qenit e bukur dhe e zgjedhura e Valentin Selajt
Teksti i gazetës italiane
Ajo nuk ka asnjë faj. Përvec se është e bukur dhe e zgjedhura e Valentin Selaj, një nga bosët e klanit të shqiptarëve shkatërruar nga skuadra policore fiorentine me ndihmën e kolegëve holandezë.
Viola është një nga femrat e famshme dhe të dëshiruara në Shqipëri. Një vajzë kopertinash, televizioni, modele, me pak fjalë mbretëreshë e botës së modës, që ishte mësuar me jetë të bukur dhe nuk kishte kuptuar se i dashuri i saj shqiptar ishte një nga 6 personat në kërkim të të cilit ishte vënë gjysma e policisë europiane.
Një grua perfektë, me gjithë ato para që e rrethonin, kush mund ta mendonte se pikërisisht i dashuri i saj ishte në të vërtetë bosi i drogës me interesa në gjysmën e Evropës?
Gjithmonë e ndjekur nga paparacët, gjithnjë nëpër televizione, e ëndërruar nga meshkujt dhe jo vetëm, ka xhiruar botën për shërbime fotografike.
Ajo nuk ka të bëjë asgjë me operacionin e fundit të policisë , por ditën tjetër pas operacionit dhe arrestimit të të dashurit, ka postuar në rrjetin social dy foto të trishtuara. Buzëqeshja e saj është zhdukur.
