Një ngjarje e rëndë ka ndodhur mesditën e sotme në Korçë, ku një 35-vjeçar ka humbur jetën pasi u aksidentua në vendin e punës.
Bëhet me dije se Elvis Josifin e zuri poshtë vinçi i betonieres në katin e katërt të kantierit ku po punonte, afër Pazarit të Ri tek terminali i autobuzave në qytetin juglindor.
Njoftimi:
Më datë 03.01.2020, rreth orës 12:17, jemi njoftuar se në lagjen nr. 9, pranë stacionit të autobuzëve, në një objekt në ndërtim, dyshohet se është aksidentuar gjatë punës, shtetasi E.J., rreth 35 vjeç, banues në Korçë, i cili për pasojë ka gjetur vdekjen.
Grupi hetimor po punon për zbardhjen e rrethanave dhe shkaqeve të ngjarjes./Opinion.al
