Një supervilë luksoze, që ndodhet në pyjet mes Monakos dhe Kanës në jug të Francës, dhe që arrin një vlerë prej 56 milionë eurosh, do të prishet brenda një viti e gjysmë pasi është ndërtuar ilegalisht në një zonë të mbrojtur, nga nxitimi i pronarit i cili nuk kreu procedurat ligjore.
Gjykata franceze vendosi prishjen e saj pasi pronari, Patrick Diter, nuk kishte marrë lejen e planifikimit para se të niste ndërtimin e kompleksit. Vendimi vjen pas një beteje ligjore prej 14 vitesh, që nisi kur fqinjët e tij, milionerët britanikë Stephen dhe Caroline Butt, denoncuan në polici ngritjen e një super vilë tjetër ku organizoheshin festa luksoze me të pasurit dhe personazhe të famshëm.
Çifti britanik përfitoi nga Gjykata edhe një dëmshpërblim prej 17000 eurosh, ndërsa biznesmeni francez Diter, do të paguajë një gjobë prej 400 000 eurosh, teksa duhet të prishë ndërtimin mbi rivierën franceze brenda 18 muajve. Ai fitonte rreth 45 000 euro në ditë kur e jepte me qira pallatin për dasma oligarkësh apo për produksione kinematografike./Opinion.al
