Ministrja e Shëndetësisë, Ogerta Manastirliu i ka shprehur ngushëllimet familjes së 71-vjecarit nga Kucova që ndërroi jetë më parë në pavionin e Infektivit në QSUT pas komplikacioneve të shkaktuara nga COVID-19.
Manastirliu shkruan se pavarësisht se mjekët bën të pamundurën, gjendja e pacientit u rëndua shumë si pasojë e “seri sëmundjesh”, gjë që sollën edhe vdekjen e tij.
Kjo vdekje shton ministrja duhet të shërbejë si thirrje për të gjithë qytetarët që të qëndrojnë në shtëpi
“Rrini në shtëpi, mos i jepni mundësinë ketij virusi të infektojë dhe të rrezikojë jetën e të shtrenjtëve tanë! Dua të përsëris thirrjen për qytetarët: Zbatoni masat e higjenës. Zbatoni masat e distancimit social. Mos dilni nga shtëpitë. Kështu, ju shpëtoni jetë! Pa ndihmën tuaj, mjekët nuk mund t’ia dalin! Kjo është një luftë me një armik të pamëshirshëm, ndaj ta luftojmë duke qëndruar larg fizikisht, por më të bashkuar se kurrë në zemër dhe mendje”, shkruan ajo. /Opinion.al
