Enton Nikaj ishte një person me precedentë të rëndë penalë të cilët nisin që në vitin 2006, kur vrau shtetasin Erlin Shepllo. Ngjarja ndodhi në muajin shkurt të këtij viti. Entoni dhe Erlini dy njohje të vjetra ishin konfliktuar për shitjen e një pistolete.
Shepllo i kishte blerë Nikajt një pistoletë me silenciator kundrejt shumës 150 mijë lekë, por Nikaj dhe shokët e tij pretendonin se Shepllo u kishte dhënë vetëm 100 mijë lekë.
Nikaj nuk ka pranuar tia japë pistoletën Shepllos deri sa ky I fundit ti jepte edhe pjesën e mbetur të parave. Shepllo ka shkuar disa ditë më vonë në shtëpinë e Nikaj, duke kërkuar sqarime, por ky i fundit nuk ka dalë.
Disa minuta më vonë pasi ka konstatuar që Shepllo është larguar, Nikaj ka konstatuar se makina e tij ishte djegur. Duke dyshuar se zjarrvëvnësi ishte Shepllo, Nikaj ka ndërtuar hakmarrjen. Ja cila ishte skema se si Nikaj e vrau Shepllon, e ndërtuar nga Prokuroria.
“I pandehuri Enton i ka thënë viktimës Erlin se ai i kishte djegur autoveturën dhe për këtë duhet të paguante lekët. Por viktima Erlin nuk ka pranuar të ishte ai autori i djegies së autoveturës së të pandehurit Enton Nikaj.
Në këtë moment, i pandehuri Enton Nikaj ka nxjerrë nga brezi një pistoletë dhe ia drejtuar viktimës Erlin. Ky i fundit, është ngritur gjysmë nga sedilja, në të cilën ishte ulur duke kundërshtuar me nxjerrjen e krahut para tij veprimet e të pandehurit Enton.
Në këtë moment i pandehuri Enton, me pistoletën të cilën e kishte të mbushur, ka qëlluar një herë në drejtim të viktimës Erlin dhe pasi viktima ka rënë në sedilje, i pandehuri ka qëlluar edhe disa here të tjera ndaj tij, duke i shkaktuar kështu vdekjen e menjëhershme”
