Në Parkun Olimpik në Tiranë vijon numërimi i votave të ardhura nga diaspora.
“Duhet thënë që procesi i numërimit mund të ndahet në dy kategori. Në qarqet ku po vijon procesi i numërimit të votës për subjektet politike dhe në disa qarqe ku po vijon procesi për votën preferenciale, pra për kandidatët që janë në listën e hapura”, raportoi gazetari Enkel Xhangoli.
Gara më e fortë është në Tiranë, mes socialistëve.
Konkretisht bëhet fjalë për deputetet Olta Xhaçka dhe Blerina Gjylameti, që prej ditës së djeshme kanë nisur një garë të ngushtë mes të dyjave.
Për momentin Olta Xhaçka është përpara, por siç thotë gazetari Xhangoli, janë edhe rreth 100 kuti për t’u numëruar në Tiranë.
“Duket se ritmi sa i përket votës preferenciale është disi më i shpejtë. Sa i përket qarqeve ku ende po numërohen për subjektet politike është më i ngadaltë. Me gjasë do të vijojë edhe ditën e nesërme”, raportoi gazetari.
Tv Klan
