Kina njoftoi se ka vendosur tarifa ndaj mallrave amerikane, që kapin vlerën rreth 75 miliardë dollarë.
Ministria e Tregtisë në Kinë ka njoftuar për tarifat shtesë prej pesë ose 10 përqind, në gjithsej 5.078 produkte amerikane, duke përfshirë produktet bujqësore, naftë bruto dhe avionë të vegjël.
Kjo masë është kundërpërgjigje karshi tarifave të SHBA-së ndaj mallrave të Kinës, të cilat do të hyjnë në fuqi në dy faza, më 1 shtator dhe 15 dhjetor.
“Vendimi i Kinës për të vendosur tarifa shtesë ka ardhur nga njëanshmëria e SHBA-së”, tha ministria kineze.
Mosmarrëveshjet tregtare mes dy superfuqive ekonomike botërore kanë shkaktuar trazira në tregjet financiare./Opinion.al
