Edhe pse është e ndaluar dhe e dënueshme me ligj, vijon gjuetia e paligjshme ndaj mjelmave në liqenin e Pogradecit.
Punonjës të zonave të mbrojtura në Pogradec bëjnë me dije se një mjelmë e plagosur me armë zjarri është konstatuar ditën e djeshme përballë komisariatit të qytetit. Ndërkohë që theksohet se pasi është kapur, mjelmën e kanë nisur në drejtim të qendrës së rehabilitimit në Divjakë.
Sipas punonësve, mjelma dyshohet se është gjuajtur me çifte. Mishi i këtyre shpendëve nuk konsumohet, ndaj dyshohet se është synuar të vritet për t’u balsamosur./ Opinion.al
