Operacioni Forca e Ligjit u ka dërguar kërkesën për deklarim pasurie tre personave, të dënuar për vepra të ndryshme penale.
Mësohet në “rrjetën e OFL-së”, kanë rënë:
Eduart Nazari, banues në Berat, arrestuar në vitin 2013, për veprën penale “Trafikimi i lëndëve narkotike” kryer në bashkëpunim.
Mond Bega, banues në Tiranë, dënuar në Itali me 11 vjet burg, për veprën penale “Pjesëmarrja në organizatë kriminale, me qëllim trafikim droge”.
Gentian Çako, banues në Berat, dënuar nga Gjykata e Rrethit Gjyqësor Korçë me 20 vjet burgim, për veprën penale “Vrasja në rrethana cilësuese, e kryer në bashkëpunim”.
Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së, të cilat më pas do t’i dërgohen SPAK-ut./Opinion.al
