Tetë raketa Katjusha goditën sot bazën ajrore Balad të Irakut duke plagosur katër oficerë të forcave ajrore në irakiane.
Lajmi është bërë i ditur nëpërmjet një deklarate të lëshuar nga ushtria irakiane. Të njëjtat burime thonë se raketat ranë në një pistë brenda bazës.
Në bazën ajrore Balad, e cila ndodhet 46 milje në veri të Bagdadit, strehohen gjithashtu trupa amerikane dhe kontraktorët e huaj.
Megjithatë në një prononcim për CNN, zëdhënës të koalicionit ushtarak të udhëhequr nga SHBA kanë thënë se “asnjë personel i koalicionit nuk u dëmtua” në sulmin e Bazës Ajrore Balad sot në Irak.
Ende nuk ka prononcime sa i përket përgjegjësisë së sulmit megjithëse dyshimet kryesore janë mbi Iranin.
Të mërkurën Irani lëshoi 22 raketa balistike në bazën ajrore ushtarake al-Asad dhe Erbil, si kundërpërgjigje ndaj vrasjes së gjeneral Kasem Soleimanit.
Dy ditë më parë Irani pranoi gjithashtu se kishte rrëzuar jo qëllimisht avionin ukrainas që po transportonte 177 udhëtarë të cilët mbetën të gjithë të vdekur. /Opinion.al
