Kreu i Partisë Demokratike Sali Berisha ishte sot në ambientet e SPAK, në kuadër të masës sigurisë “detyrim paraqitje”.
I veshur me kapelen me numrin 1, Berisha foli për mediat pas daljes nga institucioni, teksa tha se ky proces hetimor ndaj tij është me urdhër politik.
Sipas tij, ky proces është pjesë e strategjisë së Ramës për të goditur opozitën shqiptare.
“Erdha këtu pa përtesë, çdo dy javë sepse ardhja ime shërben si një dëshmi e përbotshme e keqpërdorimit politik të drejtësisë nga narko-trafikanti Edi Rama.
Hetimi shterrues 4 vjeçar siç e ka quajtur Skapi, familjar i Sali Berishës, ka provuar se familjarët e tij s’kanë përfituar kurrë asnjë favor dhe kursimet e tyre kapin vlerën e 100 mijë eurove dhe 40 m2, një apartament më i madh se ai që kishte në diktaturë.
Kjo është pjesë e strategjisë së Ramës për të goditur opozitën shqiptare, projekti i tij për të marrë mandatin e 4-ërt”, tha Berisha.
