Gjykata e Shkallës së Parë në Shkodër ka nxjerr nga qelia ish-drejtorin e komanduar të Burgut të Reçit.
Mësohet se gjykata ka vendosur masën e sigurisë “Arrest shtëpie” për Ervis Zikën, i cili u arrestua për veprën penale “Shpërdorim detyre”.
Zika ra në prangat e policisë disa ditë më parë pasi dyshohet se vidhte karburant dhe lejonte futjen e sendeve të ndaluar në qelitë e të burgosurve.
Ish-drejtori i burgut dyshohet se ka kaluar në regjim pa skaner sende të paligjshme dhe se ka firmosur në mënyre fiktive kartelat e karburantit.
Bëhet e ditur se pala mbrojtëse kërkoi një masë lehtësuese për faktin se drejtori i burgut nuk përben rrezikshmëri për t’u larguar nga vendi./Opinion.al
