Policia e Tiranës ka vënë në pranga dy të rinj, të cilët dyshohet se vidhnin kasetat shpërndarëse të internetit nëpër pallate dhe në zyrat e njësisë së mirëmbajtjes së rrjetit elektrik në kryeqytet, duke dëmtuar fibrat optike.
Në pranga ranë E. D.,23 vjeç banues në Tiranë, i dënuar më parë për veprën penale “Vjedhja”, si dhe B. K.,31 vjeç banuese në Tiranë.
Gjatë arrestimit policia gjeti dhe sekuestroi materialet elektrike të vjedhura, konkretisht një njësi qendrore kompjuteri, dhjetra metra tel alumini e kabllo elektrikë.
Gjithashtu në vijim të hetimeve u bë dokumentimi edhe i një sërë vjedhjeve të kryera nga dy të rinjtë në periudhën shkurt-mars në ambientet e përbashkëta të pallateve në kryeqytet.
Materialet i kaluan Prokurorisë së Rrethit Gjyqësor Tiranë, për veprime të mëtejshme për veprën penale “Vjedhja” e kryer në bashkëpunim në më shumë se një herë./Opinion.al
