Përmes një njoftimi për mediat, OSHEE, bën me dije se ka zbuluar 12 raste të vjedhjes së energjisë elektrike në Tiranë dhe në Durrës.
OSHEE njofton se bazuar mbi rregulloren e ERE, veç procedimit, ndaj 12 abonentëve është vendosur masë administrative për kilovatët e vjedhur.
“Kontrollet e kryera nga Departamenti i “Rikuperimit të Humbjeve”, pranë OSSH, gjatë mbrëmjes në qytetet Tiranë dhe Durrës zbuluan 12 raste të vjedhjes së energjisë elektrike, të cilat i janë referuar prokurorisë pas procedimit në prani të policisë. Bazuar mbi rregulloren e ERE, veç procedimit, ndaj 12 abonentëve është vendosur masë administrative për kilovatët e vjedhur ⚡️”,thuhet në njoftimin e OSHEE-së./Opinion.al
