Një shishe me vodka e cila kushton 1.3 milionë dollarë është vjedhur në Danimarkë. Policia vendase ka nisur hetimet e menjëherëshme për shkak të vlerës së madhe të kësaj shisheje. Bëhet fjalë për një shishe vodka e cila është e përbërë nga ar dhe argjend, e ndërsa tapa e saj është e mbushur me diamantë. Mësohet se kjo shishe ishte e vendosur në një lokal në Kopenhagen.
Pronari i barit Brian Ingberg tha se shishja e vodkës ka qenë pjesë e filmit House of Cards. Vjedhja ndodhi në orët e para të mëngjesit të së martës. Shishja përmbante 3 kg ari dhe argjendi si edhe ishte e zbukuruar me një copë lëkurë të vitit 1912.
“Unë kam marrë nga Rusia në Fabrikën Dartz, e cila bën makinat dhe vodkat më të shtrenjta në botë. Ajo ka qenë në koleksionin tim për një gjysmë viti, por jo më,”-tha pronari i Café 33 Bar.
