Një agjenci të këmbimit valutor dhe transfertave të parave ka rënë pre e grabitësve pasditen e djeshme në Fushë-Krujë. Sipas policisë, autori ka hyrë i maskuar dhe i armatosur duke kërcënuar me pistoletë shitësen 23-vjeçare me inicialet J.K.
Autori ka vendosur kapuçin e xhupit në kokë dhe nën kërcënimin e pistoletës, ka marrë rreth 200 000 lekë (të reja).
Policia tha se në vendngjarje kanë shkuar efektivet e policisë, të cilët kanë këqyrur vendin e ngjarjes dhe marrë provat materiale, me qëllim identifikimin dhe kapjen e autorëve të cilër arritën të largoheshin nga vendngjarja.
Agjencia e transfertave të parave është në pronësi të një 42-vjeçari me inicialet N.A.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Vjedhja me dhunë”.
