Filiali i një banke të nivelit të dytë është vjedhur gjatë natës në Librazhd. Sipas të dhënave të para grabitja ka ndodhur gjatë natës në rrethana që ende presin të saktësohen nga policia, ndërkohë që autori është vënë në pranga pak pas ngjarjes.
Dy orë pas grabitjes së bankës, policia ka arritur të identifikojë dhe të kapë autorin. Në pranga ka rënë shtetasi Nuredin Sula, ndërsa janë gjetur dhe lekët e dosjet e vjedhura.
Personi i arrestuar rezulton përdorues droge dhe person me precedentë penalë nga qyteti i Librazhdit. Ndërkohë, vetëm pak ditë më parë në të njëjtin filial banke është bërë një tentativë vjedhjeje me të njëjtin mekanizëm.
