Një sasi parash është vjedhur nga arka e xhamisë në fshatin Podgorie në Maliq. Sipas policisë ngjarja ka ndodhur ditën e djeshme, dhe është vënë re kur është konstatuar e hapur arka e xhamisë së fshatit.
Autorët ende nuk janë identifikuar nga policia.
“Më datë 14.08.2022, në fshatin Podgorie, Maliq, është konstatuar e hapur arka e xhamisë së fshatit, ku është marrë një sasi e vogël parash. Nga ana e Policisë po punohet për identifikimin, kapjen e autorit/ve, si dhe për zbardhjen e rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme”, njofton policia.
