Policia ka marrë nga spitali një prej protestuesve. Deputetët e PD kanë qenë në spital për të vizituar protestuesit e plagosur, kur disa efektivë kanë hyrë brenda dhe kanë marrë një prej banorëve që ka qenë në protestë. Deputetët e PD i kanë bërë thirrje policëve ta lënë pasi kishte nënën në operacion, që sipas tyre ishte dëmtuar në protestë.
Duke iu përgjigjur interesit të mediave nga jashtë ambienteve të spitalit, deputeti Balliu theksoi faktin se qytetarët i kanë kërkuar edhe policisë të bashkohen me ta. Mes tjerash ai iu bëri thirrje të gjithë qytetarëve të bashkohen në kauzën e banorëve të “Unazës së Re”.
“Policët ishin në krye të detyrës, që dhanë maksimuim e tyre. Banorët kanë kërkuar që policët të heqin kapelat dhe t’iu bashkohen atyre në protestë. Kohës së bandave po iu vjen fundi, kohës së Ramës po i vjen fundi, tani është koha e qytetarëve. Ftoj të gjithë qytetarët t’iu bashkohen banorëve”, tha ai.
