Ndonëse u përpoqën që ceremonia e tyre të ishte tërësisht private, duket se Sara dhe Ledioni nuk ja kanë dalë plotësisht. Thuhet madje se ata i kanë porositur të ftuarit të mos publikojnë imazhe nga dasma e tyre në rrjetet sociale.
Por duket se dikush e ka thyer “urdhrin” dhe nga martesa e tyre luksoze në Como ka dalë tashmë edhe një video, publikuar nga Iconstyle. Ndonëse e filmuar në errësirë dhe pa identifikuar shumë të ftuarit që gjenden aty, videoja sjell një moment nga kërcimi i një valleje tiranase, me muzikën e Artiola Toskës.
Edhe pse jo shumë e qartë, në video shihet dekori dhe lulet e shumta që dominojnë ambjentin, ndërsa ngjyra temë e ceremonisë është roza.
