Një shofer turk është ndihmuar nga Policia Rrugore e Dibrës në bashkëpunim me disa banorë të zonës, pasi rrezikonte të binte nga një humnerë.
Tek ura e “Doçit” në Kastriot të Dibrës, nga ora 18:00 deri në orën 23:30, nga ana e shërbimeve të Policisë Rrugore dhe tre banorëve të zonës i është dhënë ndihmë shoferit turk me inicialet M.T, pasi kamioni që ai drejtonte doli nga rruga në një urë të ngushtë dhe rrezikonte të binte në humnerë. Shoferi turk gjatë një interviste për një media shprehu falenderime për Policinë Rrugore dhe banorët për ndihmën e dhënë.
