Është tensionuar sërish situata tek Unaza e Re. Banorët pengojnë punëtorët e bashkisë të heqin shtyllat e ndriçimit nga rruga. Një prej protestuesve u arrestua nga policia. Siç shihet edhe nga pamjet, forca të shumta policie janë dislokuar në Unazë të Re. Forca të Policisë së Rendit dhe ato të Bashkiakes.
Në mbështetje të banorëve kanë shkuar deputetët e opozitës. Numri II i PD, Edi Paloka në një deklaratë për mediat tha se “Shihni çfarë bën Edi Rama, nuk merret me kriminelët por ka sjellë gjithë policinë këtu. Por kjo nuk është asgjë para asaj që ndodh natën në zonë ku pllakos errësira. Natën vijnë këtu kriminel dhe kërcënojnë banorët me makina me xhama të zinj dhe bëjnë presion. Me siguri janë pjesë e atyre që do marrin leje nesër për pallate”.
