Këto vijnë tregojnë se si janë kapur në flagrancë shkelës të ligjit “Moratoriumi për Pyjet” teksa transportonin dru në kamiona.
Video janë vetëm dy nga 21 rastet e sekuestrimit të 148 m3 dru zjarri dhe lëndë punimi, falë aksioneve të Inspektoriatit Shtetëror të Mjedisit dhe Pyjeve.
Ky i fundit dhe Inspektorati i Policisë Pyjore në shkallë vendi kanë kryer 1519 inspektime në periudhën Gusht-Shtator 2016, raportohet nga kreu i ISHMP z. Ergys Agasi.
Nga këto: 1178 inspektime në pyje e kullota, 224 inspektime në fondin e gjuetisë, 67 në subjekte dhe 50 të tjera në fusha të ndryshme që ISHMP ushtron veprimtarinë.
Janë vendosur gjithsej 49 masa administrative në kundravajtje të ndryshme, dënim me gjobë në vlerën 31.837.000 lekë ose rreth 230 mijë Euro dhe me vlerë dëmi 3,736,349,000 lekë.
Kreu i ISHMP .z Ergys Agasi ka kërkuar bashkëpunimin e ngushtë të qytetarëve shqiptarë me strukturat e ISHMP për identifikimin e rasteve të shkeljeve dhe abuzimin me ligjin dhe mjedisin, me qëllim sigurimin e një mjedisi të pastër e shëndetshëm për të gjithë.
