Mijëra studentë po protestojnë sot në Tiranë dhe në disa universiteta të tjera në të gjithë Shqipërinë, dhe nuk kanë ndërmend të bëjnë hapa pas edhe pas pranimit të një prej kërkesave të tyre nga ana e ministres Lindita Nikolla.
Sipas tyre kërkesat bazike që ata kanë do të bënin të qeshnin këdo në Europë, pasi atje standardet janë shumë të përparuara.
Një prej studentëve u shpreh në mikrofonin e Fax News se shumë shpejt mund të shtohet dhe një pikë tjetër në kërkesën e tyre, që është dorëheqja e Nikollës, për shkak të përpjekjeve të saj për të përçarë protestën.
‘’Jemi mbledhur për disa të drejta që në vendet e BE-së pot ë diskutoheshin do të qeshnin të gjithë. Në këtë vend po jepen 40 milionë euro për 2 kilometë rrugë, ndërsa për edukimin e studentëve jepen 38 milionë euro në vit. I kërkojmë ministres Nikolla që të mos të hedhë shashka dhe të mos na përçojë pasi mund të shtohet dhe një pikë tjetër që të jetë largimi i saj nga detyra”, u shpreh studenti.
