Vijon protesta e studentëve, të cilët tashmë kanë nisur marshimin e tyre nga Korpusi Universitar drejt Ministrisë së Arsimit. Të pyetur gjatë një lidhjeje direkte nga gazetarja Klodiana Lala se përse ata kanë refuzuar takimin me Kryeministrin Rama, që bëri një ofertë për bisedime, studentët janë shprehur se nuk do të ketë asnjë negociatë pa plotësuar kërkesat e tyre.
Ata kanë kërkuar edhe një herë protesta e tyre të mos politizohet, ndërsa janë shprehur se do mblidhen për të vendosur se si do të vazhdojnë mënyrën e protestës deri në plotësimin e kërkesave. Ka nga ata që mendojnë se protesta do të përkshkallëzohet deri në greve urie. Numri i studenteve qe po i bashkohen marshimit eshte duke u shtruar, ndersa ata u bejne thirrje edhe prinderve apo te afermve t’ju bashkohen.
Ata presin një përgjigje zyrtare deri në orën 14:00 lidhur me kërkesat e tyre, që nuk janë vetëm për çështje të tarifave studentore, por që kërkojnë njëkohësisht edhe rritjen e rolit të tyre në vendimarrjen e universiteteve.
