Kreu i grupit të PD, Edmond Spaho ndodhet mes qytetarëve që janë mbledhur në një tubim tek Drejtoria e Policisë së Tiranës për të liruar protestuesit e arrestuar në Kukës.
Ai tha se PD është aty si mbështetëse e qytetarëve dhe i bëri thirrje ti bashkohen edhe deputete te partive të tjera, përfshirë edhe mazhorancën.
Protestuesit u arrestuan në pabesi nga qeveria, ne mes të natës. Ne do të jemi këtu deri në lirimin e tyre.
Spaho kujtoi edhe një herë se mesditën e së shtunës u negociua që protestuesit në Rrugën e Kombit të shpërndaheshin dhe të mos kishte arrestime. Por qeveria sipas tij, i preu në besë “shkoi i arrestoi në mesnatë qytetarët kuksianë si të ishin kriminelë dhe jo protestues. Kanë kërkuar një të drejtë të tyre”, vijoi ai.
“Janë arrestuar 23 banorë të Kukësit, banorë të cilët kundershtojnë me forcë të paguajnë 10 euro qeverisë, nderkohe që sipas INSTAT ata jetojnë me 2 euro në ditë”, u shpreh ai. /Opinion.al
