Çudirat e shqiptarëve nuk kanë fund. Një ari i cili mbahej në kafazin e një restoranti në Shqipëri më në fund është shpëtuar nga organizata për mbrojtjen e kafshëve, pasi ky i fundit prej disa vitesh ushqehej me gati 20 birra në ditë dhe me disa gota raki. Kjo metodë shërbente për argëtimin e klientëve, të cilët ngazëlleheshin teksa ariu i gjorë dyndej në alkool.
Ariu me emrin Tomi, i njohur si Ariu i Dehur, është mbajtur për shumë vite në një rajon në Shqipëri i mbyllur në kafaz. Por Tomi ka gjetur rahatinë në vitin 2016 kur është shpëtuar nga organizata për mbrojtjen e kafshëve Four Paws (Katër Putrat) dhe është sjellë në pyllin e arinjve në Prishtinë.
Fillimisht Tomi e kishte shumë të vështirë pasi mëlçia dhe veshkat e tij ishin të dëmtuara nga sasia e madhe e alkoolit. Ai kishte sjelljet tipike të një të alkoolizuari pasi ai shpesh godiste veten kur ishte në mungesën e alkoolit.
Tashmë Tomi është rehabilituar dhe organet e tij janë drejt përmirësimit.
