Shkëmbim i historisë? Sipas Ministrisë së Punëve të Brendshme në Tiranë, 2424 shtetas italianë kanë marrë rezidencën vitin e kaluar në Shqipëri. Kështu thuhet në materialin shoqërues një videoje, publikuar nga DW, ku rrëfehen përvojat e italianëve, që kanë zbuluar Shqipërinë si një mundësi shumë të mirë për të punuar dhe jetuar. Mediat italiane raportojnë të paktën 19 mijë italianë të vendosur në Shqipëri.
“Ne italianët jemi mësuesit e emigracionit”, thotë njëri prej tyre Roberto Cannata, teksa ka zgjedhur të hapë një restorant në Tiranë, pasi ka ardhur për pushime me të shoqen dhe Shqipëria i është dukur vendi i duhur për biznesin e tij.
