TIRANE- Kreu i Inspektoratit të Lartë të Deklarimit dhe Kontrollit të Pasurive Shkëlqim Ganaj është përfshirë në një sherr banal me komshinjtë. Shkak për zënien mes kreut të ILDKPI i cili shoqërohej edhe nga bashkëshortja, janë bërë fëmijët. Sipas fqinjëve gjatë ditës janë zënë fëmijët e më pas të rriturit.
Ganaj dhe komshiu janë zënë me shpulla e me të bërtitura, në momentin që Ganaj ka zbritur nga makina, dhe po hynte në pallat.
Një video amatore me celular tregon momentet e sherrit, por Ganaj, ka hyrë menjëherë brenda hollit të pallatit dhe ka kërkuar aty bodigardët, të cilët nuk kishin ikur larg dhe janë afruar menjëherë.
“Këta të fundit, pasi kanë mundur të ndajnë të dy palët, kanë shoqëruar kreun e ILDKP drejt banesës”, raporton gazeta Dita.
