Me urdhër të presisdentit Putin, Rusia ka realizuar testin e armës së saj të fundit “Avangard”, e cila teknikisht ka rezultuar një sukses. Është vetë Putin që e ka bërë të ditur lajmin në një mbledhje qeverie te merkuren e 26 Dhjetorit.
Parametrat e armës u verifikuan me sukses gjatë nisjes së saj në bazën raketore në Dombarovskiy në malet Urale.
Sipas zyrtareve ruse, ajo arriti të godasë me sukses një objektiv të ndodhur 6 mijë kilometra larg vendit të nisjes.
Është vetë presidenti rus Vladimir Putin, ai që e ka e ka pagëzuar atë me emrin “Avangard”. Është fjala për armën më të re hipersonike, të cilën tashmë Rusia e ka testuar me sukses dhe që duhet se do të jetë gati për luftë vitin e ardshëm.
Shërbimet sekrete amerikane, të cilat shkruajtën për këtë armë që në maj të këtij viti kanë hedhur dyshime se e pathyeshmja “Avangard” mund të ketë në përmbajtje edhe lëndë bërthamore.
Në mesin e këtij viti, vetë Presidenti Putin tha se raketa hipersonike mund të hynte në shërbim vitin e ardhshsëm dhe i siguronte Rusisë paritet me Shtetet e Bashkuara.
Ai përdori asokohe një televizion kombëtar për të folur mbi vëmendjen e Rusisë në modernizimin e armëve strategjike dhe në veçanti raketën Avant-garde” që do ta bënte atë të pandalshëm.
“20 herë më e shpejtë se zëri. Unë nuk besoj se shtete të tjera do të kenë mundësinë të realizojnë një armë të tillë në vitet që do të vijnë. Ne tashmë e kemi,” tha Putin. / Opinion.al
