Kur Edi Rama thotë që Shqipëria nuk ka probleme duhet besuar dhe është i sinqertë. Sepse për Edi Ramën në Shqipëri ka vërtet zero probleme. Kryeministri është në fakt i vetëpriviliegjuar nga të gjitha ato fenomene që në vija të holla ua nxijnë seriozisht jetën qytetarëve shqiptarë.
Madje, jo vetëm kaq, por shpesh Kryeministri bëhet shkaktar i atyre problemeve. Si në rastin e sotëm. Në Opinion.al, kanë mbërritur dy video të cilat na tregojnë se si rruga nga Rinasi në Tiranë është krejtësisht e lirë për të kaluar Kryeministri dhe eksorta e tij që po kthehet nga Davosi.
Ndërkohë, që gjithë qyetarët që kthehen nga puna pikërisht në këtë orar, janë devijuar në rrugën dytësore për t’u përplasur si sardele në trafikun që nuk i gjende filli. Dhe kjo me qëllimin e vetëm që Kryeministri të mos shqetësohet dhe eksorta e tij të fluturojë me shpejtësi, ashtu sikurse shihet edhe në keto dy video.
