Të gjitha faktet që po dalin në media tregojnë se Xhesiela Maloku është dhunuar nga djali i deputetit, Rrahman Rraja, që më pas është detyruar të terheqë denoncimin. Faktet po ashtu tregojnë se ka qenë oficeri i policisë, Gentian Çitozi që ka ndihmuar 24 vjeçarin Rexhep Rraja ti shpëtojë arrestimit për dhunën e ushtruar ndaj 25 vjeçares.
Në një lidhje telefonike për Top Channel, pliskologia Anjeza Kallaku ka treguar se e ka telefonuar në orën 10 të natës oficeri policisë së Fushë-Krujës, që ajo të asistonte në tërheqjen e një padie dhune nga 25-vjeçarja me inicialet Xh.M.
“Gentian Çitozi më ka marrë në orën dhjetë e çerek të natës. Më tha që kishte një rast dhune dhe më pyeti a mund të vija për një shtetase. I thashë që isha me pushime verore, por m’u lut që të vija sepse nuk kishin mundësi që të gjenin një psikologe tjetër. Jam shoqëruar në rajon me babain tim. Në komisariat ishte Gentian Çitozi dhe një zotëri që po përfundonte dëshminë e tij. Nuk e njihja se kush ishte, më pas mora vesh që ishte ish i dashuri i vajzës. Vajza erdhi më pas”, tregon psikologia.
Psikologia thotë se nuk ka informacion se përse vajza u tërhoq nga denoncimi, të cilin e kishte dorëzuar në të njëjtën ditë, por paradite. Vajza kishte deklaruar se ishte pajtuar.
“Mua m’u bë prezent si çështje kalimtare. Thjesht që vajza ka kallzuar dhe tani po e tërheq padinë. Vajza më tha që ishte penduar. Nuk konstatova shenja frike, madje më dukej në kushte normale. E këshillova që të kishte kujdes. Nuk kishte shenja dhune, por nuk mund të them më shumë”, thekson psikologia.
Lexo edhe:
Ekspertiza mjeko-ligjore per shenjat e dhunes ne trupin e Xhesiela Malokut
SHKCB gjeti shkelje ne proceduren e ndjekur nga oficeri Citozi
Video: intervista e psikologes
