Vajza të mirarsimuara, që kanë një profesion të caktuar dhe një status në shoqëri, por që zgjedhin një profesion të dytë në mënyrë ilegale. Është ky rasti i prostituave të luksit, që në Tiranë nuk janë një fenomen i panjohur.
Prostitutat e luksit apo prostitutat elitare qarkullojne per nje rreth te mbyllur klientesh, siç mund te konsiderohen disa raste te evidentuara me kliente biznesmene apo edhe vizitore te huaj te rangjeve e profesioneve te ndryshme.
Sipas ekspertëve të antitrafikut, rastet më të përhapura janë ato kur menaxherët e lokaleve apo hoteleve për të siguruar të ardhura më të mëdha, iu ofrojnë klientëve të tyre, të interesuar për kryerjen e marrëdhënies seksuale kundrejt pagesës, vajza që regjistrohen si balerina ose këngëtare.
Duke iu referuar rasteve të hetuara nga policia, pagesat e këtyre shërbimeve variojnë nga 100 deri në 400 euro.
Vetem një vit më parë, BIRN solli rastin e Pameles, e njohur ndryshe si zonjusha shoqëruese e deputetëve, e cila ofronte seks në një çmim që shkonte në 200 apo 300 euro. 18-vjeçarja u ndalua nga policia në shoqërinë e dy biznesmenëve që kishin paguar 300 euro për të shkuar në shtrat me të.
