Fakte të tjera tronditëse kanë dalë në dritë nga vrasja e gazetarit saudit, Jamal Khashoggi. Khashoggi u vra brenda konsullatës së Arabisë Saudite në Turqi, më 2 tetor. Gazetari hyri brenda dhe nuk doli më kurrë. Por një video e re që po qarkullon mund të jetë një provë e masakrimit të tij. Videoja u publikua nga televizioni shtetëror turk. Aty tregon momentin kur një person shihet duke dalë nga konsullata e Arabisë Saudite në Stamboll me çanta në duar. Në këto çanta, mendohet se ishin pjesët e trupit të gazetarit të vrarë.
Ende nuk ka asnjë reagim nga autoritetet saudite lidhur me dyshimet se çfarë transportohej në këto çanta, ndërsa videoja po bën xhiron e botës.
