Protesta e opozitës ka përmbyllur ditën e saj të pestë, ndërkohë që në cadrën e lirisë mbështetësit dhe përfaqësuesit e Partisë Demokratike qëndrojnë 24 orë në 24. Ka energji dhe vendosmëri për të mos u ndaluar deri në përmbushjen e kërkesës për krijimin e qeverisë teknike, që do të cojë vendin në zgjedhje.
Për emisionin “Opinion”, Nënkryetari i PD-së Edmond Spaho, tregon strategjitë me të cilat opozita do të vijojë protestën, deri në krijimin e qeverisë teknike. Spaho deklaron se: “Me Edi Ramën nuk do të ketë zgjedhje”, ndërkohë që nuk lë vend diskutimi as për kthimin në kuvend.
Ndërsa protesta numëron një pjesëmarrje të gjerë të të rinjve, kreu i Forumit Rinor të PD-së Belind Këllici, tregon qasjen e të rinjve ndaj protestës.
