Banorët e Unazës së Re kanë dalë sërish sot në protestë përpara Bashkisë së Tiranës. Protesta vijon perj 10 ditësh dhe zhvillohet paradite në qendër para Bashkisë dhe pasdite para banesave të tyre në Unazë të Re.
Sot ata brohorasin: “Nuk jemi shpellarë”, në kontekst të asaj ç’ka deklaroi kryetari i Bashkisë së Tiranës, Erion Veliaj dy ditë më parë.
Po kështu këshilltarët e opozitës kanë bojkotuar mbledhjen e këshillit bashkiak dhe kanë dalë në mbështetje të banorëve.
Ata kërkojnë dëmshpërblim 100 për qind për shtëpitë e tyre që do të shemben për ti hapur rrugë ndërtimit të Unazës së Madhe.
*Pamjet e drejperdrejta nga protesta
