Moti i keq dhe temperaturat e uleta kane pushtuar Greqine fqinje ne kete dite te pare te vitit 2019. Fenomeni “Rafael” i nisur disa dite me pare, po shoqerohet nga temperatura tepër të ulta, dëborë, rreshje të furishme dhe erëra të forta, kryesisht ne zonen e Egjeut. Greqia qendrore si Peloponezi, Arkadia, ishujt e Jonit dhe Atika po përballen me probleme të shkaktuara nga moti i egër.
Mbi 100 thirrje telefonike jane raportuar për ndihmë në zjarrfikëset e Athinës vetëm ditën e parë të vitit. Nderkohe nga nga erërat e fuqishme janë shkulur dhe pemë të mëdha. Disa akse të autostradës Athinë- Korinth si dhe Athina-Patra, jane mbyllur nga dëbora dhe ngrica.
Pas fenomenit “Rafael” Greqia pret një tjetër furtunë të egër të quajtur “Sofia”, gjithashtu në ditët e para të Vitit të Ri 2019.
