21 leje drejtimi janë tërhequr për t’u pezulluar më pas nga OASH për shpejtësi tej limiteve të lejuara. Ka qenë ky rezultati i aksionit të ndërmarrë mbrëmjen e së premtes në kryeqytet dhe veccanërisht në aksin tiranë- Durrës.
Arsyeja kryesore të heqjes së lejeve të drejtimit ka qenë shpejtësia tej normave të lejuara, ndërsa shkelësit qarkullonin në shpejtësi që arrinin deri 211 km/orë. Një prej këtyre rasteve me shpejtësi 191 km/orë është e faktuar edhe në videon e publikuar në faqen e policisë gjatë aksionit.
Përmes një postimi, Policia e Shtetit paralajmëron qytetarët për nivelet e shëpejtësisë në të cilat duhet të qarkullojnë, si me poshte:
Për të siguruar qarkullimin dhe mbrojtur jetën e përdoruesëve të rrugës, shpejtësia nuk duhet të kalojë limitet e mëposhtme:
• 110 km/orë për autostradat;
• 90 km/orë për rrugët interurbane kryesore;
• 80 km/orë për rrugët interurbane dytësore e rrugët lokale interurbane;
• 40 km/orë për rrugët në qendrat e banuara.
• Respektoni rregullat e qarkullimit rrugor, se vetëm kështu mund të udhëtosh i sigurt.
