Analisti Preç Zogaj të mërkurën është shprehur se beteja për taksat, konsiderohet si një nga betejat më të mëdha që bëjnë vendet e lira.
Zogaj deklaroi në studion e emisionit “Opinion”, se beteja për taksat ka krijuar edhe SHBA-të, ishin ata që u quajtën ‘Bijtë e Lirisë’ që në fund të shekullit të XVIII-të, u ngritën kundër sistemit taksor të vendosur nga Britania e Madhe.
Ai tha se populli i Kukësit u ngrit në një kohë kur qeveria nuk realizoi asnjë dëgjesë publike me qytetarët, nuk u vendos asnjë bonues për udhëtimin e tyre dhe mbi të gjitha sjellja e kreut të qeverisë ishte arrogante.
Sipas tij, ata, të gjendur në një situatë të tillë, ku qeveria kishte vendosur një murë dhe përtej murit ishin qytetarët, në anën tjetër, ishte qeveria që nuk denjonte për të dëgjuar.
