Për ata që jetojnë në Xhenova nuk është një surprizë, por banesat që qëndrojnë poshtë këmbëve të urës Morandi në Itali, kanë befasuar jo pak njerëz.
E përditshmja italiane “La Repubblica”, ka botuar një video, ku shfaqet ura Morandi në Xhenova, të paktën aq sa ka mbetur nga shembja, ku dallohen qartë këmbët e urës që mbështeten tek kulmi i banesave që qëndrojnë poshtë saj dhe që dukshëm shfaqet një rrezik për banorët aty.
Ura Morandi filloi të ndërtohet në vitin 1963 për t’u inaguruar katër vite më vonë, kur shtëpitë dhe pallatet ishin ndërtuar kohë më parë.
