Të bllokuar prej disa orësh në traget, pa asnjë shpjegim për vonesën e krijuar, dhjetra pasagjerë të linjës Bari-Durrës, janë përleshur fizikisht me stafin e këtij trageti.
Udhëtarët kanë deklaruar se janë detyruar të qëndrojnë me orë të tëra të bllokuar, ndërsa askush nga stafi nuk u kthente përgjigje.
Pamjet e videos tregojnë një situatë dramatike, ku dhjetra persona përleshen fizikisht, ndërsa përdorin edhe mjete të forta për të sulmuar njëri-tjetrin.
Disa policë shqiptarë dhe familjarë janë munduar të shuajnë konfliktin, por siç duket ka qenë e pamundur.
