Kryeministri Rama e nisi fjalimin e tij në Kuvend me vendimin e djeshëm të Komisionit Europian për t’i rekomanduar Këshillit hapjen e negociatave me Shqipërinë.
Por kamera e TVSHsë këtë herë u tregua e vëmendshme për të fokusuar edhe reagimet e deputetëve demokratë gjatë fjalimit të Ramës.
“Dje kemi marrë rekomandimin pa kushte të Komisionit Europian për Këshillin. Aq pozitiv ishte rekomandimi saqë nuk e mjegulloi dot as kryetari çehreprishur i PDsë, as heshtja e liderit të PDsë, i cili nuk shkroi asnjë gërmë për rekomandimin dhe as rropatja e Zhvejkut që sapo erdhi, një natë më parë telefon më telefon nga Brukseli për të shpjeguar qëndrimin heroik të repartit ndërkombëtar të SHQUPit kundër hapjes së negociatave”, tha Rama.
Siç shikohet edhe nga video, deputetët e PDsë kanë reagime nga më të ndryshmet, duke nisur nga Bregu e cila shihet e qeshur në fytyrë, deri te Paloka e Bumçi, të cilët i përgjigjen nga vendi./Panorama
