Kreu i opozitës Lulzim Basha publikoi një videolajm për të treguar se njësoj siç pohon raporti i CIA-s, Shqipëria vazhdon të jetë vendburim i rëndësishëm për mbjelljen e kanabisit.
Basha thotë se në 7 muaj janë kapur 30 tonë drogë shqiptare.
“Edi Rama mashtroi shqiptarët, BE dhe SHBA me shpalljen e fitores së luftës kundër kanabisit dhe heqjen e Shqipërisë nga harta e kultivimit të kanabisit.”-thuhet në videolajmin e shpërndarë nga kreu i opozitës. Sipas llogarive të PD nga Janari deri në Korrik 2018 në Itali, Greqi dhe Shqipëri janë sekuestruar 30 tonë kg kanabis shqiptar, por nuk është arrestuar deri tani asnjë bos i drogës në Shqipëri. Kreu i opozitës thotë se për paprekshmërinë e tyre garant është qeveria e Edi Ramës.
“Ministria e Brendshme nuk bën analizat e drogës së kapur për të fshehur të vërtetën se Shqipëria vazhdon të jetë parajsa e krimit për mbjelljen e kanabisit. Analizat italiane dhe greke të drogës së kapur nga Shqipëria provojnë se kanabisi është mbjellë gjatë muajve të fundit.”thuhet në videolajmin e Bashës.
Kreu i opozitës thotë se Shqiptarët nuk meritojnë një kryeministër të korruptuar, që ka lidhur fatin e tij politik me krimin e organizuar.
Më poshtë video-mesazhi i plotë i Bashës:
