Shqiponja e vendosur në rrethrrotullimin e Doganës, tashmë nuk është më. Memoriali që u vendos në 100-vjetorin e pavarësisë, si dhuratë e biznesmenit shqiptar të Maqedonisë Nazim Destani, është dëguar apo do të dërgohet për skrap.
Vetë Kryeministri i vendit, përmes një postimi në rrjetet sociale e ka cilësuar shqiponjën një vulgaritet të hipur në piedestal me prepotencë, ndonëse deri më sot nuk ishte shprehur kurrë me parë mbi këtë fakt.
Sidoqoftë, shqiponja që i dha emrin edhe sheshit ku u vendos, tashmë ndoshta do të mbetet thjesht një toponim, ndërsa vetë objekti ashtu si dhe shumë objekte apo pune publike të pas ’90 do të mbeten histori shqiptare, ku shpesh njëra forcë politike nxiton të shkatërrojë atë që paraardhësi ka ndërtuar.
Ndërkohë, zëdhënësja e PD Ina Zhupa, ka risjellë ceremonine e inaugurimit të saj në 100-vjetorin e Pavarësisë, ku merrnin pjesë Kryeministri i asaj kohe Berisha dhe Kryetari Bashkisë së Tiranës, Basha. / M. Bregasi- Opinion.al
