Kryetarja e LSI Monika Kryemadhi e ka akuzuar Kryeministrin Rama se po mashtron studentët, duke falsifikuar investimet e qeverisë gjermane. Kjo deklaratë e Kryemadhit, vjen pas vizitës së Ramës në konviktet e inxhinierisë së ndërtimit ku inspektoi punimet që po kryheshin për përmirësimin e kushteve.
Por në videon më poshtë, Kryemadhi thotë se Rama nuk mund të falsifikojë investimet e qeverisë gjermane siç bëri me falsifikimin e firmës së Sekretarit të Shtetit Amerikan, sa i përket projektit për rikonstruksionin e konvikteve të inxhinierisë.
Ajo pohon se projekti që Edi Rama del dhe e reklamon si investim të qeverisë së tij është një financim i bërë nga qeveria gjermane që në vitin 2011 dhe i parashikuar të përfundonte me 20 dhjetor të këtij viti.
