Një banesë është përfshirë nga flakët pasditen e së hënës në fshatin Grecalli të Fierit, duke e shkrumbur atë plotësisht. Forca zjarrëfikëse nuk kanë arritur ta shpëtojnë banesën, kur zjarri ka shkrumbuar gjithçka në pak minuta.
Banesa I përket qytetarit Trifon Gjika, por në momentin e zjarrit nuk ka pasur familjarë. Dyshohet se flakën ia vuri nusja e djalit të tij për shkak të konflikteve në familje. Ajo është grindur më herët me bashkëshortin dhe vjehrrin.
Është vetë bashkëshorti i saj që e akuzon. Dje e mora me gjithë plaçka, shprehet ai për “Report TV”, ndërsa sot i vuri flakën. “Bën vaki ka rënë në depresion”, shton.
Banesa është djegur plotësisht duke bërë që familja të dalë në qiell të hapur. Shuarja e flakëve në kohë ka bërë që të shpëtojnë nga zjarri banesat e tjera aty pranë.
