Ditmir Bushati tashmë ka hequr kostumin e ministrit dhe është kthyer në bazë, aty ku është zgjedhur deputet, në qytetin e Shkodrës. Sot ai takoi strukturat e PS-së në Shkodër, si dhe ju përgjigj interesit të gazetarëve në lidhje me zgjedhjet lokale të 30 qershorit 2019.
I pyetur nëse do të jetë ai vetë kandidat për kryetar i bashkisë së Shkodrës, Bushati tha se “nuk kam asnjë ambicie lokale”. Më tej shtoi se “jemi në proces konsultimi për të përzgjedhur kandidatin.
Sipas tij, PS po bën sondazhe me opinionin publik për të zgjedhur një kandidat fitues por dhe një grup këshilltarësh të mirë për bashkinë.
Aktualisht bashkia Shkodër drejtohet nga demokratja, Voltana Ademi. Ajo fitoi në 2015 përballe kandidates së PS, Keti Bazhdari. /Ri-De
