“Unë nuk e kam takuar kurrë”, u shpreh Taulant Balla jashtë gjykatës së Tiranës, ku u pyet për deklaratat e Alizotit, në videon e publikuar një ditë më parë nga deputeti demokrat Salianji në emisionin Opinion.
Sipas numrit II të PS, Prokuroria po bën një punë të shkëlqyer dhe duhet ta zbardhë deri në fund këtë çështje për këtë video të tjera të servirura.
“Z. Salianji duhet ta dorëzojë këtë video në prokurori dhe jo të ikë me shpejtësi nga emisioni “Opinion” duke rrezikuar jetën e rojeve në tv Klan”, u shpreh Balla.
Po kështu tha se “PD po kalon nga njëra puntatë në tjetrën të “Babales”.
Deklarata u bë teksa Taulant Balla dilte nga Gjykata e Tiranës. Seanca gjyqësore mes Ballës dhe kryetarit të Partisë Demokratike Lulzim Basha u shty për më 23 tetor. Balla e ka paditur Bashën për shpifje në lidhje me Toyota Yaris ku u gjeten 3.4 miln euro.
/Opinion.al
Lexo edhe:
VIDEO/ Fredi Alizoti i dosjes ‘Babale’: Më ka shantazhuar kreu i policisë
