Gjykata e Shkodrës ka liruar efektivin e policisë në Malësinë e Madhe, Berhan Bajrakurti, i cili u shfaq në një video intime dhe akuzohej se ngacmonte seksualisht një 15-vjeçare përmes telefonit.
Gjykata rivlerësoi masën për policin dhe vendosi “detyrim paraqitje”, ndërsa Bajrakurti mohoi akuzat për ngacmim seksual ndaj 15-vjeçares.
Prej disa ditësh policia kërkoi denoncuesen e videos dhe gruan që e akuzoi publikisht në një portal se polici i Malësisë së Madhe i kishte ngacmuar seksualisht të bijën si dhe faktin që as në këtë komisariat dhe as në atë të Shkodrës nuk ia kishin pranuar denoncimin për rastin.
Edhe në Gruemirë, banorë e mësues thonë se nuk janë në dijeni të identitetit të nxënëses që pretendohet se është ngacmuar. /G.F Opinion.al
